“1001 të zeza”, Ahmetaj reagon ndaj Ramës për deklaratën në grupin e PS: Ka shkelur parimin e prezumimit të pafajësisë

Ish zv. kryeministri Arben Ahmetaj ka reaguar ndaj deklaratës së kryeministrit Edi Rama në mbledhjen e grupit të PS, se dosja e tij kishte “1001 të zeza”, duke thënë se deklarata bëhet në një kohë kur çështja ende nuk ka filluar. Në reagimin e tij Ahmetaj thotë se Rama ka cënuar parimin themelor të prezumimit të pafajësisë.

“Paraditen e të hënës në mbledhjen e grupit parlamentar të Partisë Socialiste, Kryeministri, në përpjekje për të justifikuar qëndrimet e tij, gjeti kohë të flasë edhe për rastin tim, duke pretenduar se aty paskësh “1001 të zeza”. Kjo deklaratë bëhet në një kohë kur çështja ende nuk ka filluar të gjykohet dhe hetimet sapo janë mbyllur.

LEXO MË SHUMË

Politikë

Rama për Ballukun: Nuk e shkel vijën e kuqe me drejtësinë, nuk i mbaj pishën askujt!

Kryeministri Edi Rama tha sot në mbledhjen e grupit parlamentar të Ps-së se nuk ka ndërmend ta shkelë vijën e kuqe në raport me drejtësinë as për rastin e ish-zv/kryeministres, Belinda Balluku.

12:00 34 ditë më parë09.03.2026.

Autori

Një deklarate e tillë publike dhe për një çështje që i takon drejtësisë, përbën pikërisht shkeljen e hapur të parimit themelor të prezumimit të pafajësisë.

Është paradoksale të dëgjosh leksione për prezumimin e pafajësisë nga i njëjti Kryeministër, i cili nuk heziton ta shkelë atë publikisht sa herë që i intereson politikisht, duke e përdorur atë me standard të dyfishtë edhe brenda të njëjtit fjalim.

Prezumimi i pafajësisë është një e drejtë themelore e garantuar nga Kushtetuta e Republikës së Shqipërisë, nga kartat ndërkombëtare për të drejtat e njeriut dhe nga legjislacioni në fuqi.

E drejta e lirisë së shprehjes për këdo, përfshirë këtu edhe Kryeministrin, nuk mund të përdoret për të cenuar prezumimin e pafajësisë dhe as për të ushtruar presion apo ndikim mbi vendimmarrjen e organeve të drejtësisë”, shkruan Ahmetaj.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)