PS rrëzon kërkesën për arrestimin e Ballukut, Manja: Narrativa e SPAK hipotetike

Në mbledhjen e Grupit Parlamentar të Partisë Socialiste, në Kryesinë e Kuvendit këtë të hënë, PS ka prezantuar raportin për Belinda Ballukut, duke rrëzuar kërkesën e SPAK për arrestim. 

Raporti i hartuar nga pesë anëtarët socialistë të Këshilli për Rregulloren, Mandatet dhe Imunitetin u prezantua nga kryetari i Komisioni i Ligjeve i Kuvendit, Ulsi Manja. Në raport theksohet se narrativat mbi të cilat SPAK mbështet kërkesën për arrestimin e Ballukut konsiderohen hipotetike, pasi ajo nuk ushtron më funksione në ekzekutiv.

“Ka ndodhur një realitet i ri juridik dhe institucional. Balluku nuk ushtron më funksione ekzekutive si pasojë e ndryshimeve në përbërjen e qeverisë. Për pasojë, masa e sigurimit penal e pezullimit nga detyra nuk prodhon më asnjë pasojë juridike reale”, tha Manja gjatë prezantimit të raportit.

Ai shtoi se edhe arsyetimet e SPAK për rrezikun e prishjes së provave apo arratisjes lidhen drejtpërdrejt me ushtrimin e funksioneve ekzekutive, të cilat deputetja nuk i mban më.

“Për pasojë, narrativa mbi të cilën SPAK ka kërkuar këtë masë mbetet hipotetike për sa kohë lidhet me funksione që deputetja nuk i ushtron më”, deklaroi ai.

LEXO MË SHUMË

Kronikë

Apeli i GJKKO rrëzon Belinda Ballukun, lë në fuqi masën e pezullimit nga detyra

GJKKO ka lënë në fuqi vendimin për pezullimin nga detyra të ish-zëvendëskryeministres dhe ish-ministres së Infrastrukturës dhe Energjisë, Belinda Balluku, duke rrëzuar kërkesën e saj për ndryshimin e masës.

10:20 34 ditë më parë09.03.2026.

Autori

Politikë

“Ballukun e larguan si heroinë”, Berisha paralajmëron: Do të ketë largime të tjera

Gjatë bashkëbisedimit me qytetarët në rrjetet sociale, kreu i PD-së ka komentuar largimin nga detyra i ish-zv.kryeministres dhe Ministres për Punët e Jashtme.

14:14 36 ditë më parë07.03.2026.

Autori

Manja theksoi gjithashtu se kompetenca e Kuvendit në këtë rast është vetëm procedurale dhe jo gjyqësore.

“Kompetenca e Kuvendit në shqyrtimin e kërkesës së SPAK është e natyrës proceduralo-kushtetuese. Kuvendi nuk gjykon fajësinë, pasi ky atribut i përket gjykatës”, u shpreh ai.

Në raport përmendet edhe fakti se hetimet ndaj Ballukut kanë nisur pas dy kallëzimeve të bëra nga figura të opozitës. Sipas Manjës, kallëzimi i parë është bërë në gusht të vitit 2024 nga Lulzim Basha, ndërsa i dyti në shtator të po atij viti nga Gazment Bardhi.

“Një fakt publik është se kallëzimi i parë është bërë nga ish-kryetari i PD, Lulzim Basha, ndërsa kallëzimi i dytë nga sekretari i PD, Gazment Bardhi. Në vitin 2025 këto procedime janë bashkuar në një të vetëm”, tha Manja.

Ndërkohë, Balluku nuk ishte e pranishme në mbledhjen e grupit parlamentar. Ajo është shkarkuar më herët nga postet e zëvendëskryeministres dhe ministres së Infrastrukturës dhe Energjisë.

SPAK e ka marrë Ballukun të pandehur për çështjen e ndërtimit të tunelit të Llogarasë dhe po e heton edhe për shtatë lote të Unazës së Madhe të Tiranës, ndërsa ndaj saj rëndon akuza për “shkelje të barazisë në tendera”.

Vendimi përfundimtar për autorizimin e arrestimit pritet të merret në seancën plenare të 12 marsit, ku Kuvendi do të votojë mbi kërkesën e SPAK. Ndërkohë, Partia Demokratike e Shqipërisë ka bërë publik raportin e saj duke deklaruar mbështetje për kërkesën e prokurorisë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)