Financimi i partive politike, mblidhet tryeza për Reformën Zgjedhore

Tryeza e Reformës zgjedhore është mbledhur paraditen e kësaj të marte me praninë edhe të ambasadorit të OSBE-së në Tiranë, Michel Tarran.

Ky i fundit ka folur për rëndësinë që ka transparenca, barazia, mbikqyrja dhe sanksionet në këtë reformë. "“Rifillimi i punës së komisionit, sinjal pozitiv. Shqipëria ndodhet në një moment vendimtar. Duhen pasur parasysh katër pika: Transparencë, deklarim i plotë i të ardhurave të partive politike, Barazia, Zbatimi i institucioneve mbikqyrëse, burime të mjaftueshme financiare e njerëzore për të ushtruar kontrollin, Sanksione efektive dhe proporcionale për të dekurajuar mos respektimin e ligjit", tha Tarran.

Ndërsa për financimin e partive politike ai kërkoi adresimin e rekomandimeve për fushatat zgjedhore. "Jemi te gatshëm të mbështesim komisionin në dialogun mes palëve.
Duke qenë se në pranverën e 2027 janë zgjedhjet lokale, koha është vendimtare", ka thënë Tarran më tej.

LEXO MË SHUMË

Politikë

"Vija dalluese mes shtetit e partisë të jetë e theksuar", Gonzato: Transparencë për financimin

Në Komisionin e Reformës Zgjedhore ambasadori i Bashkimit Europian, Silvio Gonzato kërkoi dialog për këtë reformë teksa theksoi se është parakusht për anëtarësimin e Shqipërisë në BE.

11:03 40 ditë më parë03.03.2026.

Autori

Ndërsa bashkëkryetari socialist i komisionit të reformës zgjedhore, Damian Gjiknuri tha se është rënë dakord që palët të dalin me një draft të përbashkët për të shmangur kundërshtitë më tej. 

"Me opozitën kemi vendosur të dalim e një draft të përbashkët që ky ligj të mos ketë inate partizane, por rregulla të gjithë pranuara. Shëndeti financiar i partive, është një nga gjërat më të rëndësishme në një demokraci. Sa më të konsoliduara partitë, aq më e konsoliduar demokracia. Duhet trasparencë për burimet financiare dhe të parandalojmë financime nga interesa biznesi të lidhura me pushtetit, interesa të shteteve të tjera apo nga krimi", tha Gjiknuri.

Në të njëjtën linjë me të, bashkëkryetari demokrat, Oerd Bylykbashi tha se duhet transparencë në financimin e partive.

"Ndryshimet janë bërë në kohë të ndara. Dua të theksoj, pa hyrë në detaje, se funksionimi i partive politike është çështje thelbësore dhe kushtetuese, po aq sa transparenca e financimeve.
Partitë janë organizma që shërbejnë për pluralizmin demokratik. Kjo është kërkesë kushtetuese dhe besoj se të gjithë ndajmë mendimin se transparenca është një formë e mirë për të shmangur korrupsionin dhe influencat e faktorëve kriminalë apo të huaj. Pra, duhet të mbajmë të shëndetshëm pluralizmin politik. Por transparenca nuk mund të funksionojë pa pasur rregulla të qarta dhe zbatim të ligjit. Duhet të ketë financime të shëndetshme dhe të kontrolluara", tha ai.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)