“Partia e dhunës pagoi rrugaçët e lagjeve”, Rama kritikon PD për sulmin me molotov ndaj policisë

Protesta kombëtare e radhës që u mbajt nga opozita javën e kaluar e ka shtyrë kryeministrin Edi Rama që pas një kohe të gjatë, t’i rikthehet komenteve mbi tubimet opozitare në vend.

Këtë gjë e pranoi shefi i qeverisë në podacastin e tij “FLASIM”, ku e shprehu qartë se molotovi që u lëshua mbi Kryeministrinë dhe Parlamentin nga një grup të rinjsh, që u panë në protestë të maskuar dhe me çanta shpine, i ka lënë shije të hidhur.

Rama u shpreh kritik ndaj opozitës për përdorimin sipas tij të rrugaçëve të lagjeve për të hedhu molotov mbi institucionet shtetërore dhe policinë, që kishte krijuar kordone sigurie për ruajtjen e rendit dhe mbarëvajtjen e tubimit.

“Kisha shumë kohë pa komentuar ndonjë protestë të opozitës. Deri kur dy javë më parë pas një përshkallëzimi të dhunshëm bëra një koment për të thënë diçka të vërtetë. Në Evropë ka protesta nga anarkistë, ekologjistë, ekstremistë të djathtë apo të majtë, studentë antiglobalistë, tifozë huliganë, neofashistë që dalin në rrugë për arsye të caktuara, thyejnë, djegin dhe shkatërrojnë prona. Por, që nga koha e partive famëkeqe të 100 viteve më parë, atyre në Gjermani dhe në Itali, të cilat i paraprijnë epokës së zymtë të fashizmit dhe nazizmit, ka vetëm një parti parlamentare në Evropë që e ka në programin dhe aktivitetin e saj pjesë të pandarë të ekzistencës së vet, që nga lindja, ushtrimin e dhunës, shkatërrimin e pronës, sulmin ndaj institucioneve deri në sulmin ndaj godinës së vet, si dhe mobilizimin e paramilitarëve, të cilët deri dje ishin çetat e liderit shpirtëror, ndërsa tani janë mercenarë të rekrutuar me lekë nga rrugaçët e lagjeve”, tha Rama.

LEXO MË SHUMË

Politikë

Berisha konfirmon protestën kombëtare më 20 shkurt, “Nuk e ndërpresim kryengritjen”

Kreu i Partisë Demokratike njoftoi edhe datën e radhës për bllokimin e bulevardit përpara Kryeministrisë.

14:24 57 ditë më parë14.02.2026.

Autori

Kronikë

Disa të mitur mes 21 të arrestuarve nga incidentet në protestë, nis hetimi për 5 anëtarë të lartë të PD-së

16 policë u plagosën dhe përfunduan në spital, u sekuestruan 22 molotovë të pashpërthyer dhe 3 shishe me benzinë.

09:19 60 ditë më parë11.02.2026.

Autori

Politikë

Dhunë para Parlamentit, rrezikohet jeta e efektivëve, policia përgjigjet me gaz lotsjellës

Bombat molotov kanë vënë në rrezik jetën e dhjetëra efektivëve të policinë përpara Parlamentit, duke detyruar këta të fundit të kundërpërgjigjen me gaz lotsjellës dhe ujë me presion.

19:50 61 ditë më parë10.02.2026.

Autori

Sipas kreut të ekzekutivit ato që u përdorën në protestën e javës së kaluar kanë qenë bomba artizanale, për prodhimin dhe përdorimin e të cilave ai bën fajtor kupolën drejtuese të Partisë Demokratike.

“Mercenarët u shfaqën përsëri në krye të kësaj jave dhe bënë edhe më shumë dëm, duke kaluar tashmë në hedhjen e bombave artizanale të mirëfillta, të përgatitura nga udhëheqja e të ashtuquajturës dhe, ndjesë pastë, PD, duke plagosur punonjës policie deri në shkaktimin e plagëve nga djegia”, deklaroi kryeministri.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)