Mbledhja e Grupit të PS, Rama në krah të Ballukut, paralajmëron ndryshime ligjore: SPAK nuk preket!

Pak orë para se të fluturojë për në Bruksel, ku do të zhvillojë një takim me presidentin e Këshillit Evropian Antonio Kosta, kryeministri Edi Rama mblodhi grupin parlamentar të Partisë Socialiste në Kryesinë e Kuvendit.

Në këtë mbledhje mori pjesë edhe Belinda Balluku, e cila pas seancës së fundit të Gjykatës Kushtetuese që la në fuqi pezullimin e vendosur nga GJKKO, nuk gëzon asnjë funksion tjetër shtetëror, përveç statusit të deputetes së Kuvendit të Shqipërisë.

Menjëherë pas mbledhjes, Rama përmes një postimi në platformën ‘X’ zbuloi tre konkluzione që janë arritur nga ky takim me ligjvënësit socialistë. Shefi i qeverisë këmbëngul në qëndrimin e tij, se një anëtar i Këshillit të Ministrave nuk mund të pezullohet me vendim gjykate dhe nënvizon se zgjidhja për ngërçin e krijuar në raportin mes pushtetit ekzekutiv dhe gjyqësor, do të zgjidhet nga mazhoranca me ndryshime ligjore.

“Tre konkluzione nga mbledhja e Grupit Parlamentar pas mosvendimit të Gjykatës Kushtetuese dhe rivendosjes së pezullimit të ministres nga : 1. Funksionet e padelegueshme kushtetuese, nga ai i anëtarit të qeverisë tek ai i Presidentit të Republikës dhe jo vetëm, nuk mund të pezullohen kurrësesi nga askush duke u nisur nga një emër përveçëm, sepse pezullimi paralizon funksionin, pra institucionin që ai/ajo drejton.  2. Nisur edhe nga leximi i deklaratës publike të Gjykatës Kushtetuese, ku të gjithë anëtarët e trupës shfaqen unanimë lidhur me problemin, po ndahen tek rrugëzgjidhja, grupi parlamentar socialist do të angazhohet për zgjidhjen përmes ndërhyrjes në legjislacion”, shkruan Rama në ‘X’.

LEXO MË SHUMË

Politikë

Rikthimi i pezullimit për Ballukun, Rama: Zhbërja e shpikjes së GJK, domosdoshmëri, beteja vijon

Kryeministri Edi Rama ka paralajmëruar se beteja do të vijojë pas mosvendimmarrjes së Gjykatës Kushtetuese që riktheu në fuqi pezullimin nga detyra për zv.kryeministren Belinda Balluku.

10:05 2 ditë më parë08.02.2026.

Autori

Politikë

E PLOTË/ Votimi 4 me 4 për pezullimin e Ballukut, ja argumentat e gjyqtarëve të Kushtetueses

Pas një mbledhjeje të gjatë prej 13 orësh, Gjykata Kushtetuese u shpreh mbrëmë mbi kërkesën e Këshillit të ministrave lidhur me kompetencat për shkarkimin e zv.kryeministres Belinda Balluku.

09:15 4 ditë më parë07.02.2026.

Autori

Aktualitet

Gjykata Kushtetuese lë në fuqi pezullimin për Belinda Ballukun

Gjykata Kushtetuese nuk arriti të marrë një vendim përfundimtar mbi ankimin e paraqitur nga kryeministri Edi Rama lidhur me masën e sigurisë ndaj zëvendëskryeministres dhe ministres së Infrastrukturës, Belinda Balluku.

21:52 4 ditë më parë06.02.2026.

Autori

Më tej kryeministri bën me dije se Këshilli i Mandateve nuk do të shqyrtojë në të ardhmen e afërt kërkesën e SPAK për t’i hequr imunitetin Belinda Ballukut.

“E vetmja palë e përmbushur nga rikthimi i pezullimit është SPAK-u, që në kushtet e pezullimit mund të vazhdojë krejt qetësisht hetimin përkatës, ndërkohë që deri në adresimin ligjor të zgjidhjes nuk ka asnjë urgjencë për të trajtuar kërkesën që SPAK-u bëri pas rënies së masës së pezullimit”, shprehet Rama.

Për fund kreu i qeverisë ka edhe një shtesë, siç ai nënvizon nga ana e tij, ku këmbëngul se: ‘SPAK-u nuk preket, vetëm mbështetet’.

“Liria dhe e drejta e çdo prokurori për të hetuar çfarëdoqoftë e këdoqoftë nuk preken, vetëm garantohen. Pavarësia kushtetuese e pushtetit legjislativ dhe ekzekutiv, gjithashtu nuk preken. Vetëm garantohen”, përfundon Rama postimin e tij.

Sakaq, pas mbylljes së mbledhjes me deputetët, kryeministri Edi Rama do të niset rreth orës 14:00 drejt Brukselit, ku në fokus të bisedimeve do të jenë negociatat për anëtarësimin e Shqipërisë në BE.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)