“Satelitët i verboi korrupsioni”, Berisha: Shqipëria u dogj dhe u përmbyt si asnjëherë më parë

Kreu i Partisë Demokratike, Sali Berisha, ka ashpërsuar akuzat ndaj qeverisë gjatë mbledhjes së Grupit Parlamentar të PD-së dhe në një konferencë me gazetarët, duke e cilësuar qeverisjen aktuale si “një organizatë kriminale që vjedh ditë e natë qytetarët shqiptarë”.

Duke u ndalur te situata e rëndë e përmbytjeve dhe zjarreve, Berisha tha se Shqipëria ka përjetuar një nga vitet më dramatike, ndërsa shteti ka dështuar të reagojë. “Shqipëria u dogj si asnjëherë tjetër në historinë e saj dhe më pas u përmbyt. Satelitët i verboi korrupsioni”, u shpreh ai, duke akuzuar qeverinë për shpërdorim fondesh dhe mungesë totale përgjegjësie.

Sipas Berishës, përmbytjet që prekën zona nga Gjirokastra në Shkodër, veçanërisht qarkun e Durrësit, nuk ishin pasojë e reshjeve, por e neglizhencës dhe vjedhjes së taksave publike. Ai deklaroi se infrastruktura kundër përmbytjeve ishte jashtë funksioni, ndërsa pajisje të rëndësishme, si pompat e hidrovorëve, ishin vjedhur. “Miliona euro kanë përfunduar në xhepat e lubive të qeverisë dhe banditëve të saj”, tha Berisha.

LEXO MË SHUMË

Politikë

Berisha me akuza të rënda për presione ndaj dëshmitarëve në çështjen Balluku: Rama po shkon drejt grushtit të shtetit

Sali Berisha denoncon për presione dhe kërcënime ndaj dëshmitarëve në çështjen Balluku, duke akuzuar kryeministrin Rama për shkelje të drejtësisë dhe duke i kërkuar dorëheqjen e menjëhershme.

13:19 88 ditë më parë14.01.2026.

Autori

Politikë

“Kemi dalë në betejë”, Berisha: Rama ende në pushtet sepse nuk i kemi dhënë drurin që meriton

Kreu i Partisë Demokratike, Sali Berisha nga Lezha ftoi të gjithë shqiptarët që t’i bashkohen misionit të opozitës për të rrëzuar regjimin e korruptuar të Edi Ramës.

19:03 89 ditë më parë13.01.2026.

Autori

Kreu i PD-së akuzoi gjithashtu kryeministrin Edi Rama se ka nisur “betejën më të rrezikshme me Kushtetutën”, duke bllokuar procedurat për heqjen e imunitetit të zyrtarëve të akuzuar për korrupsion. “Ky është një grusht shteti në zhvillim. Rama nuk pranon ta dërgojë Ballukun në bankën e akuzës”, u shpreh Berisha.

Ai shtoi se opozita ka detyrimin të ofrojë zgjidhje dhe se shqiptarët presin fundin e kësaj, që sipas tij, është një qeverisje e zhytur në korrupsion dhe papërgjegjshmëri.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)