Krimi tragjik në Roskovec, 80-vjeçari vrau bashkëshorten dhe veten, i biri zbulon konfliktet në familje

Një ngjarje e rëndë tronditi Roskovecin mesditëne sotme, ku një 80-vjeçar vrau me armë gjahu bashkëshorten e tij dhe më pas i dha fund jetës.

Viktimat janë Shefit Rrapaj dhe bashkëshortja e tij Dashuri Rrapaj, 75 vjeçe. Sipas burimeve policore, burri ka qëlluar fillimisht gruan dhe më pas ka kryer vetëvrasje me të njëjtën armë.

Në dëshminë e tij për policinë, djali i çiftit ka treguar se në momentin e ngjarjes ndodhej në Fier për një konsultë mjekësore, fakt i konfirmuar edhe nga kamerat e sigurisë.

Pas kthimit nga Fieri, djali i viktimave i ka gjetur prindërit të pajetë në banesë. Fillimisht ai ka njoftuar një kushëri dhe më pas policinë. Ai gjithashtu ka zbuluar se marrëdhëniet në familje kishin qenë të tensionuara prej kohësh.

“Babai ishte tip konfliktual, ndërsa mamaja më dilte gjithmonë në krah”, mësohet të ketë deklaruar ai.

Sipas tij, konflikti i fundit kishte ndodhur rreth 10 ditë më parë për një arsye banale. “U grindëm sepse unë hodha pleh te patatet në oborr dhe ai u acarua duke më thënë: ‘Pse u hedh pleh patateve?’”, ka rrëfyer djali.

Debati kishte përfunduar deri në komisariat, duke treguar për një përshkallëzim të tensioneve në familje.

LEXO MË SHUMË

Kronikë

I moshuari vrau gruan dhe veten, identifikohen viktimat në Roskovec

Ngjarja e rëndë është regjistruar në fshatin Kuman, ku tashmë banesa e çiftit të ndjerë është rrethuar nga forca të shumta të policisë, por edhe banorë të zonës, të cilët kanë mbetur të tronditur nga ngjarja.

16:40 19 ditë më parë24.03.2026.

Autori

Kronikë

Krim në familje në Roskovec, burri vret gruan dhe më pas veten

Një ngjarje e rëndë ka tronditur fshatin Kuman të Roskovecit, këtë të martë. Mësohet se burri ka vrarë bashkëshorten e tij dhe më pas ka qëlluar edhe veten.

15:24 19 ditë më parë24.03.2026.

Autori

Sipas hetimeve paraprake dyshohet se arma e përdorur dyshohet të jetë e vjetër dhe e mbajtur e fshehur në tokë dhe prej sa janë qëlluar dy plumba, një për vrasjen e gruas dhe një për vetëvrasjen e 80-vjeçarit.

Ndërkohë, banorë të zonës kanë treguar se konfliktet mes çiftit nuk ishin të reja. “Tre ditë më parë ka pasur një tjetër konflikt familjar, i evidentuar edhe nga policia”, është shprehur një banore për mediat.

Ndërkohë, një komshi i familjes ka shprehur habinë për tragjedinë, duke i përshkruar viktimat si njerëz të respektuar.

“Ishin njerëz shumë të mirë. Zonja ishte si motra ime. Nuk kishin probleme me të tjerët. Nuk e dimë si ndodhi kjo”, tha ai.

Pas krimit, situata në banesën e çiftit ka qenë e tensionuar, pasi gjatë nxjerrjes së trupave janë regjistruar përplasje mes familjarëve. Po ashtu motra e viktimës është transportuar me urgjencë në Spitalin e Fierit në gjendje të rënduar psikologjike.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)