Krim pasioni në Itali, 30-vjeçari nga Lezha u vra nga shqiptari pasi u kap mat me ish të dashurën

Një ngjarje e rëndë u shënua në Itali, ku një 30-vjeçar shqiptar u vra pas një konflikti që dyshohet se lidhet me motive xhelozie.

Krimi i pasionit i mori jetën Gjergj Pergegajt nga Lezha, i cili u qëllua me armë zjarri rreth mesnatës mes 20 dhe 21 marsit në zonën e Olmos, pranë një klubi nate. Sipas raportimeve të mediave italiane, ai ishte ndalur pas përfundimit të turnit të punës për t’u takuar me ish-të dashurën e tij.

Në atë moment, në vendngjarje ka mbërritur partneri aktual i saj, një 35-vjeçar shqiptar. Pasi i ka parë së bashku, ai ka nxjerrë armën duke qëlluar katër herë në drejtim të 30-vjeçarit, i cili humbi jetën në vend.

LEXO MË SHUMË

Kronikë

Sherr për një vajzë, shqiptari vritet nga bashkëkombasi në Itali

Viktima është identifikuar si Gjergj Pergegaj, me origjinë nga Lezhë, i cili jetonte prej kohësh në Itali.

11:02 22 ditë më parë21.03.2026.

Autori

Pas krimit, autori është larguar nga vendi i ngjarjes, por rreth dy orë më vonë ka telefonuar vetë shërbimet e emergjencës, duke deklaruar se dëshironte të dorëzohej. Ai ka dhënë vendndodhjen e tij dhe është gjetur nga policia në zonën kodrinore pranë Rigutinos, ku priste në makinë me armën e përdorur, e cila rezultoi pa leje.

35-vjeçari është arrestuar dhe ndodhet në burg, i akuzuar për vrasje me dashje. Ndërkohë, hetimet po vijojnë për të zbardhur plotësisht rrethanat e ngjarjes, ndërsa trupi i viktimës është dërguar në morgun e spitalit në Arezzo, në pritje të autopsisë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)