Tenderi 700 mijë euro, kalon për gjykim dosja për Benet Becin dhe 6 zyrtarë

Gjykata e Posaçme ka kaluar për gjykim dosjen ndaj kryetarit të Bashkisë Shkodër, Benet Beci, i akuzuar për shkelje të barazisë në tendera, së bashku me gjashtë zyrtarë të tjerë.

Sipas SPAK, shkeljet lidhen me një tender konsulence me vlerë rreth 700 mijë euro, të zhvilluar në vitin 2019 nga KESH, me objekt “Zhvillimi Strategjik i Sektorit Energjetik”.

Në të njëjtën çështje janë marrë të pandehur edhe Jonid Kazani, Edlira Mitrushi, Yllka Nishku, si dhe anëtarët e komisionit të vlerësimit të ofertave: Rudin Gjoni, Premtim Dauti dhe Adela Ruko.

LEXO MË SHUMË

Kronikë

Shtyhet gjyqi ndaj kryebashkiakut, Benet Beci dhe avokati nuk u paraqit

Në GJKKO është shtyrë sërish seanca paraprake për kryebashkiakun e Shkodrës Benet Beci. Shkak për këtë ishte mosparaqitja e vetë Becit në gjykatë, teksa avokati i tij ka qenë në një seancë tjetër.

15:13 52 ditë më parë19.02.2026.

Autori

Kronikë

Tenderi 700 mijë euro i KESH, SPAK mbyll hetimet, çon për gjykim Benet Becin

Prokuroria e Posaçme ka dërguar për gjykim dosjen e kryebashkiakut të Shkodrës, Benet Beci dhe 6 zyrtarëve të të tjerë të akuzuar për shkelje me një tender me vlerë 700 mijë euro, të Koorporatës Elektroenergjetike Shqiptare.

15:54 93 ditë më parë09.01.2026.

Autori

Vendimi për kalimin e dosjes në gjykim është marrë nga gjyqtarja Marinela Osmani. Hetimet kanë nisur nga Byroja Kombëtare e Hetimit, pas analizimit të provave të sekuestruara në banesën e ish-kreut të ARRSH-së Evis Berberi, i cili po hetohet për disa afera korruptive.

Sipas akuzës, gjatë kohës kur drejtonte KESH-in, Benet Beci në bashkëpunim me zyrtarët e tjerë dyshohet se ka favorizuar në mënyrë të padrejtë një kompani të caktuar, duke cenuar konkurrencën në procedurën e prokurimit.

SPAK pretendon se shkeljet kanë ndodhur në disa faza të tenderit, duke përfshirë përllogaritjen e fondit limit, hartimin e termave të referencës, përcaktimin e kritereve si dhe procesin e vlerësimit të ofertave.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)