“Më rrezikohet jeta”, Durim Bami kërkon transferimin në burgun e Fushë Krujës një ditë pas ekstradimit nga Dubai

Vetëm 12 orë ka mundur të qëndrojë i qetë në burgun 313 në Tiranë, ‘i forti’ i Niklës, Durim Bami, i cili u esktradua mbrëmjen e djeshme nga Dubai për në Tiranë dhe u transferua në paraburgim nën masa të forta sigurie.

Ditën e sotme përmes avokatit të tij Bami ka kërkuar transferimin nga IEPV “Jordan Misja” në burgun e Fushë Krujës. Avokati Ilir Murati i është drejtuar zyrtarisht institucioneve përgjegjëse me një kërkesë urgjente, duke argumentuar se jeta dhe integriteti fizik i tij janë në rrezik real.

Kërkesa është depozituar pranë Drejtorisë së Përgjithshme të Burgjeve, Ministrisë së Drejtësisë dhe Prokurorisë së Posaçme kundër Korrupsionit dhe Krimit të Organizuar. Në të nënvizohet se Bami aktualisht ndodhet në një paraburgim, ku ndodhen edhe persona që, sipas dosjeve hetimore të SPAK rezultojnë se kanë qenë të përfshirë në plane për eliminimin fizik të tij.

LEXO MË SHUMË

Kronikë

Blindohet Rinasi, ekstradohet Durim Bami

Ka mbërritur në aeroportin e Rinasit, nën forca të shumta policie, i ekstraduari i fundit nga Dubai, Durim Bami.

20:27 45 ditë më parë26.02.2026.

Autori

Kronikë

SPAK dërgon për gjykim 27 të pandehur, mes tyre Ervis Martinaj dhe ish-deputeti i PS

Hetimet zbuluan planet për vrasjen e dy vëllezërve Durim dhe Valter Bami, si dhe rolin e kryerësve dhe organizatorëve. Grupet e strukturuara kriminale u zbërthyen nga përgjimet e SkyECC.

15:32 127 ditë më parë06.12.2025.

Autori

Gjykata e Posaçme e Shkallës së Parë Kundër Korrupsionit dhe Krimit të Organizuar, më 15 maj 2024, ka caktuar ndaj Durim Bamit masën e sigurisë “Arrest në burg”.

47-vjeçari banues në Nikël të Krujës, akuzohet për veprat penale “Sigurimi i kushteve dhe i mjeteve materiale për të kryer vrasje”, “Grupi i strukturuar kriminal”, “Kultivimi i bimëve narkotike”, si dhe “Kryerja e veprave penale nga organizata kriminale ose grup i strukturuar kriminal”.

Durim Bami akuzohet se kishte kërkuar eliminimin e ish-deputetit socialist Arben Ndoka, ndërsa edhe ky i fundit dhe anëtarë të tjerë të grupeve kriminale e donin Bamin të vdekur, madje Ervis Martinaj kishte ofruar 1 milion euro për eliminimin e tij.

Sipas SPAK, Durim Bami drejtonte një grup që kultivonte kanabis në Nikël dhe Bubq gjatë periudhës dhjetor 2019–korrik 2020.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)