SPAK godet "Rrajat" në Nikël, arrestohet djali i ish-deputetit të PS dhe 9 të tjerë, policia gjen mbi 400 mijë euro

Policia e Shtetit ka publikuar të dhëna dhe pamje nga operacioni i koduar “Rikthimi” që ka çuar në pranga 10 pjesëtarë të grupit kriminal me bazë në Krujë Nikël, ku tre prej anëtarëve janë pjesëtarë të fisit Rraja.

Grupi në fjalë rezulton nga hetimet e SPAK se ka trafikuar lëndë narkotike kokainë dhe kanabis në shtete të BE-së, kryesisht në Gjermani dhe të ardhurat e përfituara nga veprimtaria kriminale janë investuar në pasuri të paluajtshme.

Të arrestuar në aksionin e mëngjesit të sotëm janë shtetasit: Marvin  Bushati, Agim Nina (alias Lorenc Izet Selmani), Sokol  Qaja, Gazmir  Rraja, Perparim  Rraja, Rexhep  Rraja (djali i ish-deputetit socialist Rrahman Rraja) dhe Zamir Alia. Sakaq në burg u është komunikuar masa e re e sigurisë shtetasve Islam Sefa, Aldo Gjini dhe Jani Çavo, të cilët janë arrestuar më herët për vepra të tjera penale.

LEXO MË SHUMË

Kronikë

FNSH mësyn në Nikël, kontrolle në banesat e fisit Rraja, 6 të arrestuar

Forca të shumta policie kanë mësyrë mëngjesin e kësaj të mërkure në Krujë dhe Nikël, duke shoqëruar pjesëtarë të fisit Rraja.

12:48 63 ditë më parë10.12.2025.

Autori

Sipas uniformave blu operacioni është kryer me urdhër të Gjykatës së Posaçme, duke çuar në realizimin e 12 kontrolleve në banesa dhe ambiente të tjera në pronësi të të ndaluarve. Policia bën me dije se në këto ambiente janë sekuestruar mbi 400 mijë euro cash, automjete dhe armë.

Njoftimi i policisë:

Në kuadër të operacionit “Rikthimi”, u ekzekutua masa e sigurisë “Arrest në burg”, caktuar me vendim të Gjykatës së Posaçme të Shkallës së Parë për Korrupsionin dhe Krimin e Organizuar, për veprën penale “Trafikimi i lëndëve narkotike”, kryer në kuadrin e grupit të strukturuar kriminal, për shtetasit:

R. Rr., 31 vjeç, banues në fshatin Zezë, Fushë Krujë;

P. Rr., 50 vjeç, banues në fshatin Nikël, Fushë Krujë;

G. Rr., 35 vjeç, banues në fshatin Nikël, Fushë Krujë;

A. N. alias L. S., 51 vjeç, banues në Durrës;

Z. A. alias Z. Ç., 47 vjeç, banues në Paskuqan;

S. Q., 41 vjeç, banues në Tiranë;

M. B. alias M. K., 43 vjeç, banues në Tiranë;

A. Gj. alias A. I., 35 vjeç, banues në Tiranë (masa u ekzekutua në IEVP);

J. Ç., 50 vjeç, banues në Tiranë (masa u ekzekutua në IEVP);

I. S. alias I. X., 40 vjeç, banues në Tiranë (masa u ekzekutua në IEVP).

Në kuadër të operacionit dhe në zbatim të vendimit të GjKKO-së, u kryen 12 kontrolle në banesa dhe ambiente të tjera në pronësi të 10 shtetasve.

Nga këto ambiente u sekuestruan 1 armë zjarri me municion, 7 celularë, 4 automjete, 1 jelek antiplumb, 1 palë dylbi, 415 000 euro, 7 000 paund dhe 1 000 000 lekë. Gjithashtu, u bllokuan 2 armë gjahu që mbaheshin me leje.

Nga veprimet hetimore të kryera deri tani, dyshohet se këta shtetas, duke bashkëpunuar ndërmjet tyre dhe me të tjerë, të organizuar si grup i strukturuar kriminal, kanë trafikuar lëndë narkotike kokainë dhe cannabis sativa, në shtete të BE-së, kryesisht në Gjermani.

Paratë e përfituara nga kjo veprimtari, dyshohet se janë investuar për blerjen e pasurive të paluajtshme.

Materialet procedurale iu referuan SPAK-ut, për veprime të mëtejshme.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)