"Nuk më kurseu në Parlament, nga fjalët kalojmë te puna", Rama prezanton Dash Sulën

Kryeministri Edi Rama ka prezantuar këtë të premte ish deputetin demokrat, Dashnor Sula në krye të inspektoratit të përgjithshëm. Gjatë fjalës së tij Rama tha se Sula nuk e ka kursyer në Parlament, por tashmë duhet kaluar nga fjala te puna. Ai i la si detyrë të rëndësishme që të adresojë ato që ka thënë në Parlament. 

“I uroj punë të mbar kryeinspektorit. Është një moment i rëndësishme i kësaj reforme sepse pasi kemi kapërcyer fazën e parë që ati shumë nevojë për parapërgatitej për të studiuar modelet dhe për të krijuar një lloj bindjeje tek të gjithë se ishte një domosdoshmëri të kapërcehej skema organizative e të shkuarës, tani do të kalojmë në fazën e zbatimit të thelluar të reformës. Do të shoqërohet me fillimin e punë për të ndërtuar kompleksin e ri të inspektoriatiat që do të krijojë kushte optimale për të mbledhur të gjithë inspektoriatet. Vjen nga një karrierë pulitke, por më parë ka qenë një progtagonist në sistemin e drejtësisë. Ka gjithë formimin e nevojshëm për të ndjekur këtë punë pasi formimi juridik është i rëndësishme. Ka dhe sfidën që të gjitha ato që ka thënë në parlament t’i adresojë”, tha Rama.

Ndërsa Sula i sapoemëruar tha se e fitoi këtë post me konkurrim dhe doli i pari, ndërsa në partinë e tij u zgjodh i pari, por u la i fundit.

"Te qeveria jote konkurova, dola i pari dhe vlerësohem. Te partia ime dola i pari, u rendita i fundit në listë. Do duhet të besojmë në konkurrime, të aplikojmë dhe jam i bindur që do të ketë drejtësi në atë konkurim", tha ai. 

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)