Kërkohet arrestimi i Ballukut, prokurorët e SPAK zbarkojnë në Kuvend për mbledhjen e Këshillit të Mandateve

Një zhvillim i paprecedentë politik dhe institucional pritet të marrë formë në Kuvend, ku Këshilli i Mandateve dhe Imunitetit do të nisë shqyrtimin e kërkesës së SPAK për arrestimin e zv/kryeministres Belinda Balluku. Mbledhja do të zhvillohet në praninë e drejtuesve të lartë të Prokurorisë së Posaçme.

SPAK do të përfaqësohet nga drejtuesi i ri i institucionit, Klodian Braho, prokurori i çështjes Dritan Prençi dhe prokurorja Dorina Bejko. Ata do të paraqesin argumentet ligjore, mbi bazën e të cilave kërkohet heqja e imunitetit dhe autorizimi i arrestimit për Ballukun.

Prokuroria ka kërkuar që diskutimet të zhvillohen me dyer të mbyllura, për shkak të natyrës konfidenciale të provave. Një pjesë e materialeve hetimore, përfshirë një USB me të dhëna, është vendosur në ruajtje të posaçme në Kuvend. Pikërisht kjo çështje ka shkaktuar përplasje politike mes opozitës dhe mazhorancës mbi mënyrën e administrimit të provave.

Sipas dokumentacionit të dorëzuar në Kuvend, SPAK dyshon se Balluku ka qenë e përfshirë në manipulimin e të paktën 11 tenderave, me një vlerë totale që arrin në rreth 1.2 miliardë euro. Prokuroria pretendon gjithashtu se ajo ka ndikuar te dëshmitarët dhe se ekziston rreziku i pengimit të hetimit apo kryerjes së veprave të tjera penale nëse mbetet në liri.

LEXO MË SHUMË

Aktualitet

Tensione në protestën e “Mundësia” para Kuvendit, Shehaj akuzon për “pazar” ndërmjet PS dhe PD

Grumbullimi në kohën kur po shtyrtohej kërkesa e SPAK për heqjen e imunitetit të Ballukut, mbështetësit e partisë me pankarta në duar.

10:55 54 ditë më parë19.12.2025.

Autori

Politikë

Këshilli i Mandateve shqyrton kërkesën e SPAK, Balluku shkon në kryeministri

Ministrja e Infrastrukturës dhe Energjisë mori pjesë në mbledhjen e qeverisë, të thirrur nga kryeministri Edi Rama.

11:23 54 ditë më parë19.12.2025.

Autori

Procedura parlamentare nuk ka afate të ngurta për shqyrtimin e kërkesës, por Këshilli i Mandateve ka detyrimin që pas përfundimit të diskutimeve, të hartojë një raport brenda dy javësh, i cili më pas i paraqitet seancës plenare për votim. Nëse Kuvendi nuk merr një vendim brenda tre muajve, kërkesa e SPAK konsiderohet e rrëzuar.

Ndërkohë, Apeli i GJKKO-së ka lënë në fuqi masën e ndalimit të daljes jashtë vendit për Ballukun, ndërsa çështja e pezullimit nga detyra është shtyrë, në pritje të vendimit të Gjykatës Kushtetuese mbi konfliktin e kompetencave mes qeverisë dhe GJKKO-së. Përkohësisht, Kushtetuesja e ka rikthyer Ballukun në detyrë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)