"Teatri i turpit të drejtësisë ndërkombëtare"- Kritikat ndaj Gjykatës së Hagës pasi takoi Thaçin, Grenell mbështet Ramën

Kritikat që kryeministri i Shqipërisë Edi Rama lëshoi në drejtim të Dhomave të Specializuara të Kosovës në Hagë dhe në tërësi procesit ndërkombëtar që po zhvillohet ndaj ish-krerëve të UÇK-së, i ka cilësuar të drejta i dërguari për Misione të Veçantë i presidentit amerikan Donald Trump, Richard Grenell.

Përmes një postimi në platformën “X”, Grenell ka komentuar reagimin e Ramës, pasi zhvilloi për disa orë një takim me ish-Presidentin e Kosovës Hashim Thaçi në Hagë.

Grenell duke u shprehur se ish-prokurori amerikan i Dhomave të Specializuara, Jack Smith “është një turp” për drejtësinë ndërkombëtare, nënvizon se edhe kreu i ekzekutivit shqiptar e mbron këtë qëndrim.

“Aleati i NATO-s dhe Kryeministri i Shqipërisë, Edi Rama, e kritikon ashpër çështjen ligjore të Jack Smith kundër ish-presidentit Thaçi në Hagë dhe i turpëron europianët për lejimin e vazhdimit të kësaj padrejtësie. Jack Smith është një turp. Rama ka të drejtë”, shkruan Grenell, i cili edhe më herët ka kritikuar procesin që po zhvillohet në Hagë ndaj Hashim Thaçit.

LEXO MË SHUMË

Amerika

Jack Smith, prokurori i Thaçit, në qendër të politikës së re të Trump për të ndalur financimin e gjykatave ndërkombëtare

Shtetet e Bashkuara po lëvizin drejt një ndryshimi të thellë në qasjen e tyre ndaj institucioneve gjyqësore ndërkombëtare, sipas një burimi të rëndësishëm afër Presidentit Trump që ka folur për Newsmax Balkans. Jack Smith, prokurori i Thaçit, mund të jetë një nga të “prekurit”.

19:58 60 ditë më parë12.12.2025.

Autori

Politikë

Rama i shkon Thaçit në Hagë: E gjeta në formë në godinën ku luhet teatri i turpit të drejtësisë ndërkombëtare

Kryeministri Edi Rama vizitoi sot në Hagë ish-presidentin e Kosovës, Hashim Thaçin, duke e gjetur “të qetë dhe të buzëqeshur”. Rama e cilësoi arrestimin dhe procesin ndaj Thaçit si një farsë ndërkombëtare.

12:55 54 ditë më parë18.12.2025.

Autori

Kujtojmë se pas vizitës në Hagë, Rama u shpreh se në ato qeli paraburgimi po konsumohet padrejtësia ndaj ish-udhëheqësve të UÇK-së. Para këtij takimi gjatë një komunikimi live me qytetarët në Facebook kreu i qeverisë tha se Hashim Thaçi dhe të tjerët mbahen peng nga një drejtësi që sipas tij, “është turp për ata që e sponsorizojnë”.

“Sapo kam dalë nga godina ku po zhvillohet teatri i turpit i drejtësisë ndërkombëtare ndaj Hashim Thaçit, i cili u mor peng – pa gjyq dhe pa akuzë – nga Zyra e Presidentit të Republikës, ku ishte vendosur me vullnetin e popullit të Kosovës. Krahas Luftës Çlirimtare të Kosovës, e cila nuk mund të njolloset nga një farsë që nisi me akuzat për trafik organesh, të shpikura nga kukullat ruse të Putinit në Dumën e Strasburgut, dhe që vazhdoi me lloj-lloj absurditetesh dhe dëshmitarësh groteskë të sjellë nga prokuroria ndërkombëtare në Hagë. Nuk di më çfarë të them për këtë padrejtësi ulëritëse në zemër të Europës demokratike, e kryer me bekimin e shteteve europiane dhe të Shteteve të Bashkuara, dhe e financuar nga taksapaguesit europianë dhe amerikanë, kundër një populli europian që u çlirua nga një regjim nacionalsocialist dhe që ndihmoi gjithashtu në çlirimin e Europës nga një njollë e zezë aparteidi që qëndroi në zemër të saj për dekada të tëra. Qoftë e bekuar Republika e Kosovës, Ushtria Çlirimtare e Kosovës dhe të burgosurit e saj – të mbajtur pa gjyq prej më shumë se pesë vitesh tashmë, në mes të asaj që quhet Europa e lirisë, demokracisë dhe shtetit të së drejtës”, shkroi shefi i qeverisë shqiptare.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)