Shfrytëzonin ambientet për prostitucion në Durrës, arrestohen dy shtetase nga Kolumbia

Policia e Durrësit ka finalizuar fazën e 11-të të operacionit të koduar “Storm”, për goditjen e veprimtarisë kriminale të prostitucionit. Si rezultat i këtij operacioni, dy shtetase 26-vjeçare nga Kolumbia janë arrestuar, ndërsa një shtetas shqiptar është proceduar penalisht.

Në kuadër të kontrolleve të kryera në zonën e Shkëmbit të Kavajës, përveç arrestimit të vajzave të dyshuara për ushtrimin e aktivitetit të prostitucionit, në cilësinë e provës materiale, u sekuestruan dy pasaporta, shuma parash në lekë dhe valutë, tre aparate celularë, një bllok shënimesh si dhe disa karta sim.

NJOFTIMI I POLICISË:

Durrës/ Finalizohet faza e 11-të e operacionit policor të koduar “STORM” për goditjen e veprimtarisë kriminale të prostitucionit. Kishin marrë një apartament me qira në zonën e Shkëmbit të Kavajës dhe e shfrytëzonin për prostitucion, vihen në pranga dy shtetase nga Kolumbia. Procedohet penalisht edhe një shtetas shqiptar për prostitucion.

Në vijim të goditjeve të njëpasnjëshme të realizuara nga strukturat e DVP Durrës, Seksioni për Hetimin e Trafiqeve së bashku me Forcën e Posaçme Operacionale, u finalizua faza e 11-të e operacionit policor të koduar “Storm”, i ndjekur me metoda speciale të hetimit për një periudhë disa javore, për veprat penale “Prostitucion” dhe “Përshtatja e ambienteve për prostitucion”.

Në kuadër të kësaj faze të operacionit “Storm”, të zhvilluar në zonën e Shkëmbit të Kavajës, Durrës, u arrestuan për veprat penale “Prostitucion” dhe “Përshtatja e ambienteve për prostitucion”, shtetaset L. S, 26 vjeçe dhe M.P, 26 vjeçe, të dyja banuese në Kolumbi. Gjithashtu u procedua në gjendje të lirë shtetasi E M., 22 vjeç, banues në Burrel, për veprën penale “Prostitucioni”.

Në cilësinë e provës materiale u sekuestruan dy pasaporta të shtetaseve të huaja, shuma parash në lekë dhe në valutë, 3 aparate celular, një bllok shënimesh dhe disa karta sim. Nga veprimet hetimore të kryera për nevoja të këtij procedimi rezultoi se këto shtetase kishin marrë me qira një apartament në zonën e Shkëmbit të Kavajës dhe e kishin përshtatur me qëllim ushtrimin e aktivitetit të prostitucionit. Materialet procedurale ju kaluan Prokurorisë Pranë Gjykatës së Shkallës së Parë të Juridiksionit të Përgjshëm Durrës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)