Protesta para Kryeministrisë, policia procedon Adriatik Lapajn

Protesta që Adriatik Lapaj ka nisur para godinë së Kryeministrisë, e ku i janë bashkëngjitur në orare të caktuara edhe të tjerë qytetarë, ka bërë që kreu i Lëvizjes “Shqipëria Bëhet” të procedohet penalisht nga policia.

Mësohet se Lapaj akuzohet se ka bërë grumbullime dhe ka zaptuar hapësirën publike përpara godinës së Kryeministrisë, duke penguar qarkullimin e lirë të lëvizjes.

Vetë Lapaj e konfirmoi procedimin nga policia përmes një videomesazhi në Facebook, ku thotë se kryeministri Edi Rama ka frikë nga populli që grumbullohet poshtë zyrës së tij.

“Kaq frikë ky nga kaq veta sa jemi mbledhur këtu? Imagjinoni sikur të derdhemi në shesh... Të më thonë kë kam bllokuar unë për të mos shkuar në punë, në zyrë, në spital, duke qëndruar këtu? Ah po, ndërgjegjësimi i njerëzve pengon hajdutët e tij të vjedhin. Nuk më frikësoni me letra bakalli. Qeveria e krimit më ka dhënë një dekoratë të paparë duke më proceduar penalisht, sepse i tregon njerëzve të këtij vendi se sa frikacak është. Ky që ka sjellë njerëzit këtu në këtë shesh dhe janë vrarë njerëzit për pushtetin e tij”, shtoi Lapaj duke iu drejtuar ashpër shefit të qeverisë.

LEXO MË SHUMË

Politikë

Më shumë karrige, më shumë njerëz, Adriatik Lapaj jo më i vetëm para Kryeministrisë

Adriatik Lapaj vijon protestën e tij para Kryeministrisë në natën e dytën, këtë herë i shoqëruar nga dhjetëra qytetarë.

20:41 124 ditë më parë09.12.2025.

Autori

Politikë

Vetëm përpara Kryeministrisë, Lapaj nis protestën e veçantë, kalon natën jashtë

Kreu i Lëvizjes Bashkë, Adriatik Lapaj ka nisur një protestë të veçantë përpara Kryeministrisë, duke kaluar natën ulur në një karrige. Lapaj shprehet se proteston kundër ndërhyrjes së Ramës në sistemin e drejtësisë dhe për këtë arsye iu bën thirrje qytetarëve që t’i bashkohen.

08:06 124 ditë më parë09.12.2025.

Autori

Lapaj doli i vetëm në protestë, duke u ulur në një karrige duke kërkuar dorëheqjen e kryeministrit Edi Rama dhe ftoi t’i bashkohen qytetarët. Protesta sipas tij ishte forma që kishte zgjedhur për të ngritur zërin mbi aferat e mazhorancës në pushtet, ndërsa ishte shprehur se qëndrimi para Kryeministrisë do të vijonte derisa kushtet biologjike ta lejonin diçka të tillë.

Ndërkohë gjatë mbrëmjes së djeshme pati një incident mes Lapajt, qytetarëve dhe mbështetësve të tij, pasi çadrat që u ngritën sipas Lëvizjes “Shqipëria Bëhet” për të strehuar vajzat dhe gratë që iu bashkuan protestës u hoqën nga forcat e rendit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)