Çmimi i naftës ‘kacafiu’, Shoqatat e Transportit vendosin: Asnjë kamion në rrugët e Italisë për 5 ditë

Kriza e karburantit vijon të bëhet gjithnjë e më serioze në Europë, teksa pas limitimeve në furnizime në të paktën 4 aeroporte italiane, tashmë në rrugët e fqinjit tonë përtej Adriatikut nuk do të qarkullojnë as kamionët.

Kjo pasi Shoqata Kombëtare e Transportuesve Profesionistë në Itali, Trasportounito, ka vendosur mbylljen pesë ditore të transportit rrugor, duke filluar nga 20 deri më 25 prill.

“Rritja e kostove të karburantit ka shkaktuar një krizë me ashpërsi të paparë dhe kjo po ndodh në mungesë të plotë të ndihmës nga institucionet dhe ministritë përkatëse. Paradoksalisht, i vetmi institucion që i kushton vëmendje transportit rrugor është Komisioni i Grevës së shërbimeve publike thelbësore, i cili është përpjekur vazhdimisht të pengojë një mbyllje që pasqyron një sektor biznesi që tani është mbytur nga borxhet dhe po shkon në mënyrë të pashmangshme drejt falimentimit”, tha  sekretari i përgjithshëm i shoqatës, Maurizio Longo.

LEXO MË SHUMË

Europa

Kriza e naftës ul në tokë avionët, shefi i IEA-s: Europa ka edhe 6 javë karburant

Kreu i Agjencisë Ndërkombëtare të Energjisë, Fatih Birol paralajmëroi për anulime të mundshme të fluturimeve nëse vazhdojnë ndërprerjet e furnizimit me energji për shkak të konfliktit me Iranin. Birol tha se efektet do të shtrihen edhe në Evropë, si dhe në Amerikë.

15:16 1 ditë më parë16.04.2026.

Autori

Nëpër botë

OKB ngre alarmin: Kriza globale e ushqimit po afrohet

Torero paralajmëroi se edhe nëse do të arrihej një marrëveshje për rihapjen e ngushticës në ditët në vijim, dëmi do të jetë bërë tashmë dhe një periudhë 90-ditore është thelbësore për stabilizimin e tregtisë dhe zbutjen e pasojave.

14:37 1 ditë më parë16.04.2026.

Autori

Lindja e Mesme

OKB paralajmëron katastrofë globale nga kriza në Hormuz, Irani kërcënon anijet amerikane: I dërgojmë në fund të detit

Mbyllja e Ngushticës së Hormuzit ka ngritur alarmin ndërkombëtar, pasi Kombet e Bashkuara paralajmërojnë pasoja të rënda për ekonominë globale dhe sigurinë ushqimore.

20:21 3 ditë më parë13.04.2026.

Autori

Ditët e fundit, organi mbikëqyrës i grevës kishte kërkuar heqjen e pezullimit, megjithatë, vendosi ta konfirmojë bllokadën 5 ditore për shkak të emergjencës absolute të shkaktuar nga rritja e pakontrolluar e çmimeve të karburantit, e cila sipas tyre “po ka një ndikim vdekjeprurës në bilancet tashmë të brishta të kompanive të transportit rrugor".

"Situata aktuale ekonomike dhe sociale në sektorin e transportit rrugor është kritike. Qëllimi i sindikatës sonë nuk është vetëm të përfaqësojë anëtarët tanë, por të gjithë ata që punojnë në industrinë e transportit rrugor. Rritja e çmimeve të karburantit po ndikon kryesisht në buxhetet e bizneseve të vogla dhe të mesme, të cilat ne, si sindikatë, vazhdojmë t'i mbështesim”, shpjegoi Longo për Tgcom24 disa ditë më parë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)