Një viktimë dhe tre të plagosur rëndë është bilanci tragjik i një aksidenti të regjistruar pasditen e sotme në Rrugën e Kombit.
Nga informacionet paraprake rezulton se aksidenti është regjistruar në segmentin Milot-Rrëshen, në afërsi të Rubikut.
Në aksident janë përfshirë tre automjete, të cilat janë përplasur me njëra-tjetrën. Në vendngjarje kanë mbërritur forcat e policisë dhe ambulanca që ka bërë transportimin e menjëhershme të tre të plagosurve drejt spitalit.
Shërbimet e policisë po punojnë për zbardhjen e plotë të shkaqeve të aksidentit, si dhe për menaxhimin e trafikut në këtë nyje problematike të Rrugës së Kombit.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)