Takim me Këshillin e Diasporës, ministri Hoxha: Fazë e re bashkëpunimi për “Shqipërinë 2030”

Synimi është koordinim më i mirë të aktiviteteve dhe hartimi i një agjende vjetore konkrete në funksion të prioriteteve kombëtare.

13.04.2026. 14:55

Takim me Këshillin e Diasporës, ministri Hoxha: Fazë e re bashkëpunimi për “Shqipërinë 2030”

Ministri për Europën dhe Punët e Jashtme, Ferit Hoxha, ka zhvilluar këtë të hënë një takim me anëtarët e Këshillit Koordinues të Diasporës, në kuadër të përgatitjeve për Samitin e IV të Diasporës. Në një postim në rrjetin social “X”, Hoxha e cilësoi takimin si një bashkëbisedim të hapur dhe energjik, duke vlerësuar angazhimin e përfaqësuesve të diasporës dhe rolin e tyre në zhvillimin e vendit.

Gjatë diskutimeve, palët ranë dakord për nisjen e një faze të re në riorganizimin e këtij mekanizmi. Synimi është koordinim më i mirë të aktiviteteve dhe hartimi i një agjende vjetore konkrete në funksion të prioriteteve kombëtare.

Sipas ministrit Hoxha, në fokus mbetet strategjia “Shqipëria 2030”, si dhe fuqizimi i diasporës si partner i rëndësishëm në promovimin e gjuhës shqipe, zhvillimin ekonomik dhe shoqëror, si dhe në përfaqësimin e vlerave kulturore shqiptare në botë. Takimi vjen në kuadër të përgatitjeve për Samitin e Diasporës, që zhvillohet në Tiranë.

Foto: Ministria e Jashtme

Shkarkoni aplikacionin Newsmax Balkans:

Komente (0)