“Kam miq shqiptarë”, Çalhanoglu i trembet Kosovës: Vedati dhe Asllani janë të fortë para portës

Kapiteni i Kombëtares së Turqisë, Hakan Çalhanoglu, e nisi deklaratën e tij me një notë miqësore ndaj shqiptarëve, përpara sfidës vendimtare ndaj Kosovës në “play-off”-in e Botërorit.

“Di disa fjalë shqip, por më mirë të mos flas. Kam miq të afërt, më mirë të mos them asnjë fjalë (duke qeshur)”, tha mesfushori tukr në nisje të konferencës për media nga Prishtina.

Sa i përket sfidës ai e pranoi se Kosova mund të bëjë surprizën, duke e krahasuar me norvegjezët e Bodo Glimt, të cilët eleminuan Interin e tij nga Champions League.

“Secili ka këndvështrimin e vet. Unë nuk e nënvlerësoj asnjë kundërshtar. Me Interin u eliminuam nga Bodo Glimt. Qasja e presidentit [të Federatës Turke të Futbollit] është ndryshe. Na ka mbetur një ndeshje për Kupën e Botës. Nuk fiton cilësia, por ai që jep më shumë zemër. Ne e dimë këtë dhe jemi gati”, tha ai.

LEXO MË SHUMË

Futboll

Finalja e play off-it, Montella vlerëson Kosovën: Kanë ardhur me meritë këtu!

Në konferencën për shtyp para ndeshjes, tekniku italian i Kombëtares së Turqisë theksoi se “Dardanët” kanë arritur deri në këtë fazë me meritë të plotë, duke nënvizuar organizimin dhe qartësinë taktike të ekipit.

19:53 13 ditë më parë30.03.2026.

Autori

Futboll

Kosova, një hap larg historisë, Foda para Turqisë: Të përgatitur për çdo skenar

Një hap larg historisë, Kosova përballet nesër me Turqinë në një ndeshje që mund të ndryshojë përgjithmonë fatin e futbollit të saj dhe të shkruajë kapitullin më të madh që nga krijimi i përfaqësueses.

12:01 13 ditë më parë30.03.2026.

Autori

Çalhanoglu theksoi se përballja në Prishtinë pritet të jetë shumë e vështirë, duke vlerësuar maksimalisht kundërshtarin dhe cilësitë individuale të futbollistëve kosovarë.

“E mbaj mend ndeshjen tonë të parë me Kosovën, edhe unë kam qenë aty. Janë shumë të fortë dhe kanë lojtarë të mirë. Duhet t’i vlerësosh. Edhe trajneri i tyre është i mirë. Vedat Muriqi e njoh. Ka edhe një lojtar që luan te Como. Kosova ka shumë lojtarë të rrezikshëm. Është Asllani. Vedat Muriqi është shumë i mirë para portës dhe në goditjet standarde. Lojtarët që luajnë me Kenanin te Juventusi janë shumë të mirë. Të mos i përmend të gjithë një nga një, se do të ishte e padrejtë. Të gjithë janë të mirë dhe cilësorë”, theksoi ai.

Mesfushori i Interit paralajmëroi se ndeshja nuk do të vendoset vetëm nga cilësia në letër, por nga përkushtimi dhe “zemra” që skuadrat do të tregojnë në fushë, duke e konsideruar Kosovën një kundërshtar serioz dhe të motivuar maksimalisht para publikut vendas.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)