Irani hedh poshtë armëpushimin 45 ditor: Kemi përvojë të hidhur me Amerikën!

Irani ka hedhur poshtë një armëpushim të përkohshëm në luftën me aleancën SHBA-Izrael, duke thënë se kjo do t'u lejonte kundërshtarëve të ndalonin dhe të përgatiteshin për vazhdimin e konfliktit.

"Ne po bëjmë thirrje për t'i dhënë fund luftës dhe për të parandaluar përsëritjen e saj", u citua të thoshte zëdhënësi i ministrisë së jashtme Esmail Baghaei nga agjencia shtetërore e lajmeve të Iranit, IRNA.

Reuters raportoi të hënën se Irani dhe SHBA-të kanë marrë një propozim për t'i dhënë fund armiqësive, me armëpushimin që sipas tyre mund të hyjë në fuqi nga sot. Axios raportoi gjithashtu se SHBA-të, Irani dhe ndërmjetësit rajonalë po diskutonin një armëpushim të mundshëm 45-ditor si pjesë e një marrëveshjeje dyfazore që do të çonte në një përfundim të përhershëm të luftës.

Por, Baghaei nuk iu referua konkretisht raporteve. Ai shtoi se Irani ka formuluar një përgjigje ndaj kërkesave të Shteteve të Bashkuara për t'i dhënë fund luftës dhe do ta shpallë atë "kur të jetë e nevojshme", duke iu referuar listës prej 15 pikash të kërkesave që Uashingtoni ia përcolli Teheranit përmes Pakistanit.

“Propozimi ishte jashtëzakonisht i tepruar, i pazakontë dhe jologjik. Irani ka një përvojë shumë të hidhur të negociatave me SHBA-në", tha ai.

“Çdo bisedë diplomatike është absolutisht e papajtueshme me ultimatumet, krimet dhe kërcënimet për të kryer krime lufte”, shtoi Baghaei, duke iu referuar kërcënimit të Presidentit të SHBA-ve Donald Trump për të bombarduar infrastrukturën kyçe iraniane nëse Teherani nuk e hap Ngushticën e Hormuzit.

LEXO MË SHUMË

Lindja e Mesme

Irani: Përgjigjja ndaj propozimit për armëpushim është gati

Teherani ka përgatitur përgjigjen e tij ndaj propozimeve për armëpushim, sipas Ministrisë së Jashtme të Iranit.

13:17 6 ditë më parë06.04.2026.

Autori

Lindja e Mesme

Reuters: Gati plani i paqes me Iranit dhe SHBA-së

Një zhvillim i papritur diplomatik mund të hapë rrugën drejt ndalimit të luftës mes Iran dhe SHBA, ndërsa në prapaskenë është hartuar një plan për armëpushim të menjëhershëm.

10:44 6 ditë më parë06.04.2026.

Autori

Lindja e Mesme

38 ditë nga nisja e luftës, orë vendimtare në Lindjen e Mesme

Lufta mes SHBA-së dhe Iranit ka hyrë në ditën e saj të 38-të, mes tensioneve në rritje dhe zhvillimeve të reja dramatike në terren dhe në frontin diplomatik. Presidenti i SHBA-së, Donald Trump, ka ashpërsuar ndjeshëm retorikën ndaj Teheranit, duke kërcënuar publikisht se do të godasë termocentralet

08:46 6 ditë më parë06.04.2026.

Autori

Ndaj, zëdhënësi i Forcave të Armatosura të Iranit, Ebrahim Zolfaghari, tha të hënën se nëse sulmet ndaj objektivave civile përsëriten, hakmarrja e Iranit do të jetë në një shkallë shumë më të gjerë dhe humbjet “disa herë më të mëdha”.

Ndërkohë, ministri i Jashtëm iranian, Abbas Araghchi i tha homologut të tij francez të hënën se sulmet ndaj infrastrukturës së Iranit do të kenë pasoja që shtrihen përtej Republikës Islamike dhe rajonit.

“Ky kërcënim përbën normalizimin e krimeve të luftës dhe gjenocidit”, i tha Araghchi Ministrit të Jashtëm francez, Jean-Nowl Barrot, gjatë një telefonate, duke iu referuar kërcënimeve të Presidentit të SHBA-së, Donald Trump, për të sulmuar termocentralet iraniane dhe infrastrukturën tjetër civile.

“Pasojat e një situate të tillë nuk do të kufizohen vetëm në Iran dhe rajon, por do të kenë edhe efekte shkatërruese në energjinë dhe ekonominë globale, për të cilat përgjegjësia do të bjerë vetëm mbi zyrtarët amerikanë dhe agresorët”, është shprehur ai.

Zyrtari iranian ka theksuar po ashtu se nëse ndodh ndonjë sulm, Perëndimi do të përballet me “një përgjigje vendimtare dhe gjithëpërfshirëse” nga forcat e armatosura të Iranit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)