2 viktima nga stuhia “Nils” në Francë, 450 mijë njerëz pa energji elektrike

Stuhia e fuqishme Nils iu ka marrë jetën e dy personave në Francë dhe ka lënë rreth 450,000 banorë pa energji elektrike që nga mëngjesi i së premtes.

Sipas zëdhënëses së qeverisë, Maud Bregeon, një person vdiq të enjten në departamentin Landes, ndërsa viktima e dytë, një burrë, u gjet i vdekur në kopshtin e tij në Tarn-et-Garonne.

Shërbimi meteorologjik francez, Meteo-France, e përshkroi stuhinë si me “forcë të pazakontë”, ndërsa pjesët jugperëndimore të Francës mbeten në gatishmëri të lartë për përmbytje.

Operatorja e rrjetit të energjisë Enedis raportoi se në kulmin e stuhisë deri në 900,000 klientë humbën energjinë elektrike. Ekipet teknike  kanë punuar gjatë gjithë natës për ta rivendosur shërbimin dhe deri të premten në mëngjes rreth gjysma e të prekurve kishte rifituar energjinë.

Alarmet e kuqe për përmbytje do të mbeten në fuqi në rajonet Gironde dhe Lot-et-Garonne deri të shtunën.

Stuhia Nils goditi gjithashtu pjesë të veriut të Spanjës  dhe po lëviz drejt lindjes së Evropës.

Autoritetet paralajmërojnë banorët të jenë vigjilentë dhe të ndjekin udhëzimet e emergjencës për të shmangur aksidente dhe dëme materiale.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)