Alarm nga vdekja e pensionistit, kolera rikthehet në Britani pas 125 vitesh

Autoritetet në Britaninë e Madhe janë në alarm pasi rasti i parë i kolerës është regjistruar në vend, pas 125 vitesh. Mediat britanike raportojnë se një pensionist, i cili ishte në të 80-at, ka ndërruar jetë pasi është prekur nga kolera.

Babai i dy fëmijëve, vdiq të martën në Spitalin ‘George Eliot’ në Nuneaton. Ai ishte sëmurë rreth një javë më parë në shtëpi dhe ishte shtruar në spitalin me qendër në Ëarëickshire kur gjendja e tij u përkeqësua shpejt.

Autoritetet janë në alarm pasi ka dyshime se ai ka qenë i prekur nga sëmundja e kolerës që transmetohet nga uji, e cila vrau mijëra njerëz në Mbretërinë e Bashkuar gjatë epokës viktoriane dhe vazhdon të shkaktojë vdekje në Afrikë.

Agjencia e Sigurisë Shëndetësore e Mbretërisë së Bashkuar konfirmoi se pensionisti ishte infektuar me një lloj bakterie të quajtur Vibrio cholerae jo-toksike.

“Ata nuk kanë ide se si e kapi atë. Mjekët i pyetën nëse kishte qenë jashtë vendit kohët e fundit, por ai nuk kishte qenë. Ai jetonte në shtëpi me djalin e tij më të vogël. Ishte tepër dramatike. Mjekët i thirrën të dielën dhe thanë se mund të kishte vetëm disa orë jetë. Ai qëndroi deri të mërkurën, por ndërroi jetë para syve të tyre”, tha një burim për The Sun.

Kolera është një infeksion i zorrëve i shkaktuar nga gëlltitja e ushqimit ose ujit të kontaminuar me bakterin Vibrio cholerae. Ka një periudhë të shkurtër inkubacioni, nga më pak se një ditë deri në pesë ditë, dhe prodhon një enterotoksinë që shkakton diarre të bollshme, pa dhimbje dhe ujore.

Kjo mund të çojë shpejt në dehidratim të rëndë dhe vdekje nëse trajtimi nuk jepet menjëherë.

Kolera rrallë gjendet më në Mbretërinë e Bashkuar, pavarësisht se shkaktoi shpërthime të tmerrshme në vitet 1800.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)