Shteti europian që bleu avionë F-16 për vetëm 1 euro

Argjentina ka shpenzuar 300 milionë dollarë për blerjen e avionëve F-16 nga Danimarka, por një raport i Infodefensa ka zbuluar se Holanda i ka shitur Rumanisë 18 F-16 për vetëm 1 euro, duke marrë përsipër vetëm shpenzimet logjistike prej 21 milionë eurosh për transportin.

Sipas raportimeve, këta avionë mund të përdoren për pjesë rezervë ose për stërvitjen e pilotëve të NATO-s, pasi në Rumani ndodhet Shkolla Europiane e Trajnimit të Pilotëve të F-16. Artikulli thekson se ky transferim ndodh në një kohë kur NATO forcon praninë në krahun lindor përballë agresionit rus ndaj Ukrainës. Rumania tashmë merr pjesë në operacione të policisë ajrore dhe vëzhgimin detar të aleatëve, duke u zgjeruar edhe si platformë për trajnime ajrore.

Ky zhvillim kujton raste të ngjashme, siç ishte dhënia e avionëve gjermanë MiG-29 Polonisë për 1 euro, të cilët më pas u dorëzuan në Ukrainë. Ekspertët sugjerojnë se kjo mund të jetë një “triangulim” ku avionët europianë të vjetruar përfundojnë në Ukrainë.

Vendimi i Argjentinës ka nxitur kritika dhe pyetje, duke pasur parasysh që avionët konsiderohen “të dorës së dytë” dhe me “pak jetë shërbimi”. Gjashtë avionët nuk mund të përdoren as për të mbikëqyrur Ishujt Malvinas për shkak të mungesës së radarëve, sipas raportimeve të mediave lokale.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)