Shorti i Ligës së Kombeve: Buzëqesh Shqipëria, Kosova gjen Austrinë dhe Izraelin

Shqipëria ishte me fat në shortin e Ligës së Kombeve, të hedhur në Bruksel. Kombëtarja do të luajë në Ligën C, dhe si kokë serie u klasifikua në Grupin 1.

Goglat vendosën që kundërshtarët e kuqezinjve të jenë Finlanda, Bjellorusia dhe San Marino. Kjo bën që vetëm finlandezët të jenë rivalët e vërtetë të përfaqësueses. Shqipëria do të synojë të fitojë grupin, për tu kualifikuar në play-off, si një rrugë alternativë drejt Europianit 2028, por edhe që të rikthehet menjëherë në Ligën B.

Foto: UEFA

Në këtë nivel do të luajë Kosova, e cila siguroi ngjitjen pas performancës së shkëlqyer të edicionit të kaluar. Shorti vendosi që dardanët të luajnë në Grupin 3, me kundërshtarë si Izreali, Austria dhe Republika e Irlandës.

Foto: UEFA

Mjaft të bukura do të jenë duelet në Ligën A: në Grupin 1, Franca sfidon Italinë dhe Belgjikën. Në Grupin 2 është dueli Gjermani-Holandë, në Grupin 3 Spanja do të sfidojë Kroacinë dhe Anglinë, ndërsa në Grupin 4, Portugalia do të jetë përballë Danimarkës.

Foto: UEFA

Me ndryshimet që ka bërë UEFA në formatin e turnout, 4 ndeshjet e para në grupe do të luhen nga data 24 shtator deri më 6 tetor. Dy sfidat e mbetura të Ligës së Kombeve do të zhvillohen në periudhën nga data 12 deri më 17 nëntor.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)