Irani sulmoi edhe në Arabinë Saudite, Cristiano Ronaldo ‘ia mbath’ për në Madrid me avionin privat?

Irani nuk ka kursyer vendet e Gjirit Persik në shenjë hakmarrje për sulmin izraelito-amerikan që çoi në shuarjen e kupolës drejtuese të vendit, përfshirë Udhëheqësin Suprem, Ajatollah Ali Khamenei.

Mbrëmjen e djeshme bombat ranë edhe mbi ambasadën amerikane në Riad, duke kërcënuar seriosizht Arabinë Saudite, e cila vuan kështu pasojat e marrëdhënies së ngushtë me SHBA-të.

Në këto kushte nga Arabia Saudite është larguar avioni privat luksoz prej 70 milionë eurosh i Cristiano Ronaldos, i cili sipas gjurmimit në Flightradar24 u nis dje në mes të natës, ndërsa bombat binin mbi ambasadën amerikane në Riad.

Foto: Instagram/Cristiano Ronaldo

Ylli portugez jeton në kryeqytetin saudit me partneren e tij, Georgina Rodriguez, dhe pesë fëmijët e tij, por deri më tani është e paqartë nëse ata ndodheshin në avionin privat apo jo.

Flightradar24 tregon se avioni i legjendës portugeze fluturoi mbi Egjipt dhe përtej Mesdheut përpara se të ulej në Madrid.

Një gjurmues fluturimi tregoi se avioni Bombardier Global Express i superyllit të futbollit bëri udhëtimin gati shtatë orësh drejt kryeqytetit spanjoll. Avioni luksoz u nis në orën 8 të mbrëmjes dhe u ul pothuajse në orën 1 të mëngjesit.

Foto: Flight Radar

​Ronaldo shpenzoi plot 70 milionë euro për avionin e teknologjisë së fundit në vitin 2024, pasi shiti Gulfstream G200 që zotëronte, të cilin e bleu për 20 milionë euro në vitin 2015.

Avioni elegant, tërësisht i zi, mund të mbajë 15 pasagjerë dhe përmban një numër dhomash të ndryshme, duke përfshirë një suitë me një krevat dopio dhe një zonë të veçantë dushi. Ai është i zbukuruar me logon e futbollistit dhe vjen i kompletuar me një siluetë të festimit të tij ikonik.

Kujtojmë se bashkëshortja e CR7, Georgina Rodriguez e përdori avionin për një udhëtim në Milano javën e kaluar.

Foto: Instagram/Cristiano Ronaldo

Sakaq, shtetasit e huaj po ikin nga Lindja e Mesme me mijëra, ndërsa konflikti i përgjakshëm hyn në ditën e katërt.

Ish-shoku i Ronaldos te Manchester United, Rio Ferdinand, i cili jeton në Dubai pranoi se ishte i frikësuar ndërsa sulmet me raketa e detyruan familjen e tij të futej në një strehimore në Dubai. Britaniku jeton në Emiratet e Bashkuara Arabe me gruan Kate, dhe fëmijët e tyre Cree dhe Shae, plus vajzën e Rios nga martesa e mëparshme, Tia.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)