Franca “prenoton” Zinedine Zidane për stolin e përfaqësueses

Franca se ka arritur marrëveshjen me Zinedine Zidane, që ish-trajneri i Real Madridit të marrë drejtimin e kombëtares pas përfundimit të Botërorit 2026. Sipas raportimeve, Zidane pritet të rikthehet në stol si trajner i përfaqësueses me të cilën fitoi Kupën e Botës si lojtar në vitin 1998.

53-vjeçari Zidane është pa punë prej largimit nga Reali në maj të vitit 2021, por tashmë duket se është gati për një rikthim të madh në futbollin ndërkombëtar. Evenimenti i verës së ardhshme në Shtetet e Bashkuara, Kanada dhe Meksikë do të shënjojë fundin e epokës së Didier Deschamps.

Trajneri aktual qëndron në krye të stolit prej vitit 2012 dhe i udhëhoqi “gjelat” drejt triumfit në Kupën e Botës 2018, ndërsa në “Katar 2022” ata u mposhtën në finale nga Agjentina e Lionel Messi. Zidane nga ana tjetër, ka të paktën tre vjet që pret mundësinë për të drejtuar përfaqësuesen e Francës.

Foto ilustruese

Si lojtar, Zinedine Zidane ka luajtur 108 ndeshje me blutë në të cilat ka shënuar 31 gola. Pas triumfit në Kupën e Botës 1998, karriera e tij me kombëtaren u mbyll në mënyrë dramatike në finalen e Kupës së Botës 2006, ku u largua nga fusha me karton të kuq pas goditjes me kokë ndaj Marco Materazzit, ndërsa Franca humbi përballë Italisë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)