Victoria Beckham thyen heshtjen për Brooklyn: Jemi sjellë si gjithë prindërit

Familja Beckham është rikthyer sërish në qendër të vëmendjes mediatike, për përçarjen e thelluar mes Victorias dhe djalit të saj, Brooklyn.

Në një intervistë për “Wall Street Journal”, Victoria Beckham ka reaguar shkurt ndaj akuzave publike të të birit, duke theksuar se ajo dhe bashkëshorti i saj David kanë bërë gjithmonë përpjekje për të qenë prindërit më të mirë të mundshëm dhe për të mbrojtur fëmijët e tyre nga presioni i famës.

“Ne kemi qenë në qendër të vëmendjes për më shumë se 30 vite dhe gjithçka që kemi dashur është t’i mbrojmë fëmijët tanë dhe t’i duam ata,” u shpreh Victoria, duke shmangur komentet e mëtejshme mbi polemikën.

Nga ana tjetër, Brooklyn Beckham ka mbajtur qëndrime të ashpra publikisht, duke deklaruar se nuk ka ndërmend të rikthejë marrëdhënien me familjen. Sipas tij, marrëdhënia është dëmtuar prej kohësh nga keqkuptime dhe tensione të thella, përfshirë edhe periudhën rreth martesës së tij me Nicola Peltz në vitin 2022.

Ai ka pretenduar gjithashtu se bashkëshortja e tij nuk është pranuar plotësisht nga familja, duke shtuar se ka përjetuar presion dhe mungesë mirëkuptimi brenda rrethit familjar.

Situata duket e ngrirë, me Victoria Beckham që ruan një ton të matur dhe Brooklyn që mban distancë të qartë nga familja. Konflikti mes tyre po vazhdon të tërheqë vëmendje të madhe publike, duke lënë të hapur pyetjen nëse marrëdhënia mund të riparohet në të ardhmen.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)