Fitoi 2,4 milionë paund në lotari, i përdori për të krijuar një perandori droge me vlerë 288 milionë

John Spiby, një burrë 80 vjeç dukej si një pensionist normal që shijonte kopshtarinë dhe lëvizte me një fugon të vjetër. Por, pas shtëpisë së tij rurale në Wigan, ai kishte ndërtuar një laborator për një perandori droge diazepam me vlerë 288 milionë paund.

Banorët, të tronditur, zbuluan të vërtetën vetëm kur policia bastisi shtëpinë në maj 2022. Një fermer tha për “BBC”: “Dukej si një pensionist i zakonshëm, por herë pas here e shihnim që ngiste një Lamborghini të kuq. Kjo duhej të kishte qenë një shenjë”.

Foto: BBC

Policia gjeti gjithashtu një Lotus dhe një Porsche të fshehura në garazhin e shtëpisë, së bashku me pajisjet për prodhimin e tabletave. Spiby fitoi lotarinë me 2,4 milion paundë në vitin 2010. Ai i përdori një pjesë të fitimit për të ndërtuar këtë laborator industrial për diazepam fals, duke prodhuar dhjetëra mijëra tableta në orë.

Së bashku me djalin e tij dhe dy bashkëpunëtorë të tjerë, ngriti edhe një fabrikë të dytë droge në Salford. Policia gjeti 2,6 milionë tableta diazepam me vlerë 5,2 milionë paund në treg, si dhe para, tre armë zjarri e municione. Vlera e tabletave të prodhuara llogaritet deri në 13 milionë paund, me një çmim potencial në rrugë që shkon nga 58 deri në 288 milionë paund.

Foto: BBC

Spiby u dënua në Bolton Crown Court me 16 vjet e gjashtë muaj burg për komplot për prodhim dhe shpërndarje droge të klasës C, si dhe për dy akuza për posedim armësh, municione dhe pengim të drejtësisë. Djali i tij, 37-vjeçari John Colin Spiby u dënua me 9 vjet burg, ndërsa dy bashkëpunëtorët e tjerë u dënuan me më tepër se 20 vjet.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)