Nga aplikacioni që tregon nëse je gjallë, te agjencia që të “inskenon” vdekjen: Ja si përjetohet vetmia

Vetmia po merr forma gjithnjë e më të dukshme në shoqëritë moderne. Nga Europa në Amerikë, e thuajse në të gjithë botën, situata po bëhet e ngjashme. Për zgjedhje personale, apo shkaqe të ndryshme sociale, njerëzit janë gjithmonë e më të veçuar.

Por, në Azinë Lindore, më specifikisht Kina dhe Japonia po i përgjigjen këtij fenomeni me qasje diametralisht të kundërta. Frika e të jetuarit vetëm dhe e vdekjes pa u vënë re, e cila është trajtuar me ironi në filma si “Ditari i Bridget Jones”, është një makth real për miliona njerëz.

Në Kinë, kjo ndjenjë është aq e përhapur sa një nga aplikacionet më të shkarkuara quhet “Are you dead?” (A ke vdekur?). Emri mund të tingëllojë tronditës, por qëllimi i aplikacionit është praktik: të konfirmojë rregullisht për familjarët se përdoruesi është mirë, veçanërisht për ata që jetojnë larg të afërmve. Informacioni lëshohet çdo 24 orë.

Foto nga web

Në anën tjetër, Japonia ka zhvilluar një industri me filozofi të kundërt. Këtu klientët nuk kërkojnë të bëjnë të ditur se ekzistojnë, por përkundrazi, dëshirojnë të zhduken plotësisht nga faqja e dheut. Mundësisht pa lënë asnjë gjurmë dhe mundësi kontakti të mëvonshëm. Për këtë arsye, janë shfaqur agjenci të specializuara që ndihmojnë njerëzit të ndryshojnë emrin, qytetin dhe identitetin, duke ndërprerë çdo kontakt me jetën e mëparshme.

Ky fenomen njihet si Johatsu, që do të thotë “të avullosh”. Për shumë japonezë, zhdukja është një mënyrë ekstreme për t’u çliruar nga presioni social, borxhet, dështimet personale apo marrëdhëniet e vështira. Dy vende, dy realitete dhe dy përgjigje krejt të ndryshme ndaj së njëjtës sfidë moderne: vetmisë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)