Zgjidhet presidenti i Republikës Sërpska

Sinisha Karan zgjidhet president i entitetit të Republikës Sërpska pas zgjedhjeve të parakohshme të mbajtura më 8 shkurt

Komisioni Qendror i Zgjedhjeve i Bosnjë e Hercegovinës ka konfirmuar rezultatet e zgjedhjeve të parakohshme për president të entitetit të Republikës Sërpska, me të cilat Sinisha Karan është zgjedhur në këtë post.

Karan, kandidati i Aleancës së Socialdemokratëve të Pavarur (SNSD), parti e afërt me Millorad Dodikun, do të ushtrojë detyrën e presidentit deri në mbajtjen e zgjedhjeve të reja të përgjithshme, të cilat pritet të zhvillohen në tetor të këtij viti.

Zgjedhjet e parakohshme u zhvilluan më 8 shkurt në 16 qytete të Republikës Sërpska dhe në Distriktin e Bërçkos. Nga gjithsej 84 474 votues të regjistruar, në votime morën pjesë 41 826 qytetarë, ose rreth 49.51 % e të drejtës së votës.

Procesi u zhvillua në 136 vendvotime në 17 njësi të vetëqeverisjes lokale dhe në Distriktin e Bërçkos. Këto zgjedhje u përsëritën pasi gjatë votimit të mbajtur më 23 nëntor 2025 u evidentuan keqpërdorime nga ana e Komisionit Qendror të Zgjedhjeve të Bosnjë e Hercegovinës.

Rikujtojmë se zgjedhjet ishin shpallur pas vendimit të gushtit 2025 për heqjen e mandatit të Millorad Dodikut si president i Republikës Sërpska, si pasojë e dënimit për mosrespektim të vendimeve të përfaqësuesit të Lartë Ndërkombëtar në Bosnje.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)