Mund ta shkarkoni aplikacionin Newsmax Balkans nga Google Play dhe App Store.
Mijëra qytetarë kanë mbushur sheshin kryesor të Prishtinës, teksa ka nisur protesta paqësore e organizuar në nder të UÇK-së dhe kundër procesit gjyqësor që po zhvillohet në Hagë ndaj Hashim Thaçit, Kadri Veselit, Rexhep Selimit dhe Jakup Krasniqit.
17.02.2026. 14:34
Parada e FSK-së dhe Policisë së Kosovës në sheshin qendror të Prishtinës ia ka lënë vendin mijëra qytetarëve që kanë ardhur nga të gjitha anët e vendit dhe trojeve shqipfolëse për të marrë pjesë në marshin e organizuar në nder të UÇK-së.
Teksa shënohet 18-vjetori i pavarësisë së Kosovës, qytetarë, politikanë, me në krye Presidenten Vjosa Osmani dhe anëtarë të shoqërisë civile po protestojnë në mbrojtje të lirisë dhe kundër procesit që po zhvillohet në Dhomat e Specializuara në Hagë për ish-krerët e UÇK-së.
Marshi po zhvillohet me moton ‘Drejtësi, jo politikë’ dhe e ka veshur Prishtinën me flamuj kuqezi, ata të UÇK-së dhe posterat e Hashim Thaçit, Kadri Veselit, Rexhep Selimit dhe Jakup Krasniqit, për të cilët Prokuroria në Hagë kërkoi dënimin me nga 45 vite burg.
Protestën e çeli reperi i njohur, Lyrical Son (Festim Arifi) dhe një nga pjesëtarët e platformës “Liria ka Emër”, me një këngë patriotike.
Në protestë përveç Presidentes Osmani nuk mungojnë as politikanët e tjerë, si kreu i BDI-së në Maqedoninë e Veriut, Ali Ahmeti, apo kreu i Grupit Parlamentar të PS Taulant Balla dhe ish-ministri i Drejtësisë Ulsi Manja, nga Shqipëria.
Edhe këngëtari i njohur Ilir Shaqiri u ngjit në skenën e protestës në Prishtinë së bashku me djalin e tij, Korabin, dhe nipin. Tre breza të bashkuar në një skenë, si simbol i së kaluarës, së tashmes dhe së ardhmes, kanë prekur zemrat e të pranishmëve me interpretimin e një kënge patriotike.
Foto: Newsmax Balkans
Ndërkohë, familjarët e Hashim Thaçit, Kadri Veselit, Jakup Krasniqit e Rexhep Selimit e ndoqën nga afër marshin për “Drejtësi, jo politikë” nga Haga. Siç shihet nga pamjet, vëllezërit dhe nipat e Thaçit, djali i Jakup Krasniqit dhe familjarë të tjerë u ulën në një lokal ku ndoqën marshimin e mijëra qytetarëve.
Foto: Newsmax Balkans
Mes një deti njerëzish që brohoriste “UÇK”, UÇK”, ideatori dhe përfaqësuesi i platformës “Liria ka Emër”, Ismail Tasholli, mori fjalën në podiumin e ngritur në sheshin “Skënderbe” në Prishtinë, duke kërkuar liri për çlirimitarët.
Ai hodhi akuza për drejtësi selektive dhe të dirigjiuar nga Dhomat e Specializuara në Hagë, duke nënvizuar se lufta e UÇK-së është çlirimtare dhe nuk mund të zhbëhet kurrë.
“Qytetarët duan drejtësi, jo politikë. E sot, nga kjo ditë e Pavarësisë, ne dërgojmë një mesazh të qartë për ata që gjenden në Hagë, për Hashim Thaçin, Kadri Veselin, Jakup Krasniqin, Rexhep Selimin dhe të gjithë të tjerët: 'Ju nuk jeni vetëm'. Pas jush qëndron një popull i tanë. Pas jush qëndron historia jonë, sakrifica jonë, liria jonë. Ata nuk janë vetëm”, u shpreh Tasholli.
E mbijetuara e dhunës seksuale, Vasfije Krasniqi Goodman, u ngjit me emocione të forta në podiumin e protestës. Ajo theksoi se kjo ishte hera e parë që merrte pjesë në paradën e ushtrisë, duke e cilësuar si “një ndjenjë e jashtëzakonshme që vetë bijat e Adem Jashari sot mbrojnë Kosovën”.
E përlotur, Krasniqi u shpreh se “kjo ditë e shenjtë për popullin tonë, 18-vjetori i Pavarësisë, është një ditë krenarie për të gjithë ne dhe një përkujtim për ata që u flijuan për lirinë tonë”. Ajo shtoi se “liria nuk erdhi vetvetiu, por u fitua me gjak e sakrificë që do të kujtohet ndër shekuj”.
Duke folur si e dërguar speciale e presidentes Vjosa Osmani, Krasniqi theksoi: “Kam nderin të flas si e mbijetuar e dhunës seksuale, që zëri i viktimave po dëgjohet anembanë botës. Ne kërkojmë drejtësi për krimet që Serbia kreu në Kosovë”.
Në fund, ajo bëri thirrje për lirimin e ish-krerëve të Ushtria Çlirimtare e Kosovës që po mbahen në Hagë.
“Popullin shqiptar e bashkon cenimi i lirisë dhe padrejtësia. Faleminderit që i shërbyet atdheut kur kishte nevojë më së shumti! Kadri Veseli, Hashim Thaçi, Rexhep Selimi… Ata duhet të lirohen! Ata mbrojtën popullin e vet!”
Shkarkoni aplikacionin Newsmax Balkans:
Hungaria po përgatitet për një votim historik. Të dielën mbi 8 milionë qytetarë do të thirren në kutitë e votimit për zgjedhjet që mund t'i japin fund sundimit 16- vjeçar të Viktor Orban dhe t'i hapin rrugën opozitës së udhëhequr nga Peter Magyar.
13:13 1 ditë më parë11.04.2026.
Autori
Mediat iraniane raportuan se Shtetet e Bashkuara kanë rënë dakord të shkrijnë asetet e ngrira iraniane të mbajtura në Katar dhe banka të tjera të huaja.
13:29 1 ditë më parë11.04.2026.
Autori
Një djalë 9-vjeçar u shpëtua këtë javë pasi jetonte i mbyllur në furgonin e shërbimeve të babait të tij në Francën lindore që nga viti 2024, sipas prokurorit lokal. Fëmija është shtruar në spital dhe babai i tij është ndaluar.
15:31 1 ditë më parë11.04.2026.
Autori
Vetëm pak muaj pasi vizitoi Shqipërinë, ish kryebashkiaku i Nju Jorkut Eric Adams ka marrë nënshtetësinë shqiptare.
13:43 1 ditë më parë11.04.2026.
Autori
Policia e Krujës ka gjetur të fshehur në pyll njqë 55-vjeçar të shpallur në kërkim për vrasje të mbetur në tentativë si dhe kultivim të bimëve narkotike.
14:10 1 ditë më parë11.04.2026.
Autori
Sipas prokurorit të Izmirit, të cituar nga mediat turke, hetimi ka të bëjë me "akuza për përvetësim fondesh, mashtrim të rëndë, falsifikim të dokumenteve zyrtare dhe moskryerje të detyrave mbikëqyrëse".
22:08 1 h më parë12.04.2026.
Autori
Greqia pretendon se ka arritur që përmes industrisë vendase të mbrojtje të tejkalojë edhe Iranin në pordhimin e dronëve luftarakë. Irani, një vend që ka investuar dekada në zhvillimin e programeve të dronëve dhe eksportimin e tyre në zonat e luftës, prodhon diku midis 2,800 dhe 3,500 njësi në vit.
18:40 4 h më parë12.04.2026.
Autori
Abdixhiku u shpreh se nuk ka asnjë mundësi që ai të vetëpropozohet për këtë post, duke theksuar se zgjedhja e presidentit duhet të jetë një proces konsensual mes partive politike.
19:48 1 ditë më parë11.04.2026.
Autori
Luca Spada, një 27-vjeçar nga Meldola, është arrestuar si pjesë e hetimit të Prokurorisë së Forlì-t, të udhëhequr nga Prokurori Enrico Cieri, për vdekjen e disa të moshuarve brenda pak muajsh, gjatë ose menjëherë pas transportimit me ambulancë.
12:21 1 ditë më parë11.04.2026.
Autori
Dy persona kanë mbetur të plagosur si pasojë e një aksidenti rrugor në Fushë Kosovë.
21:52 2 ditë më parë10.04.2026.
Autori
Dy shqiptarë u përfshinë në një përleshje të dhunshme në Itali me dy persona nga Afrika e Veriut, ku u përdorën dhe armët e zjarrit.
20:33 2 ditë më parë10.04.2026.
Autori
Greva e shërbimit të autobusëve dhe aeroplanëve mund të krijojë ndërprerje gjatë gjithë ditës së premte në Itali, duke ndikuar në fluturime, lëvizshmëri urbane dhe madje edhe në lidhjet midis qyteteve dhe aeroporteve.
09:48 2 ditë më parë10.04.2026.
Autori
Gjatë kontrollit të profileve të tyre, hetuesit zbuluan përmbajtje të shumta që, sipas prokurorisë, tregojnë një nivel të lartë radikalizimi.
23:04 3 ditë më parë09.04.2026.
Autori
Konjufca theksoi se Kosova mbetet e përkushtuar për normalizimin e marrëdhënieve ndërshtetërore dhe fqinjësore, por sipas tij, pengesa kryesore në këtë proces është Beogradi zyrtar. I bëjmë thirrje Serbisë të ballafaqohet me realitetin e vet dhe ta njohë Kosovën si shtet të pavarur", tha ai.
17:54 3 ditë më parë09.04.2026.
Autori
Komente (0)