Kapen 2.5 milionë euro drogë në Athinë, shqiptari tenton t'i ikë policisë me forcë

Një sasi rekord kokaine dhe kanabisi, që mund të kapte në treg vlerën e 2.5 milionë eurove është sekuestruar nga policia greke në Athinë, në prag të festës së Pashkëve ortodokse.

Mediat helene raportojnë se policia arrestoi tre persona, një 59 dhe një 50 vjeçar grek, si dhe një 35 vjeçar shqiptar, për posedim dhe trafik droge gjatë operacionit të kryer në rajonin e Atikës.

Në aksion u sekuestruan 26 kilogramë kokainë, më shumë se 360 kilogramë kanabis i përpunuar, karta identiteti dhe leje drejtimi të falsifikuara, si dhe mjete ifentifikimi si të policisë.

Foto: Policia Greke

35-vjeçari shqiptar u lokalizua dhe u arrestua në një zonë të Athinës, pasi kishte në posedim dhjetë pako me mbi 10 kilogramë kanabis hidroponik të papërpunuar. Kjo sasi ishte blerë më parë nga 59-vjeçari, i cili vepronte edhe në emër të 50-vjeçarit.

Shqiptari kishte refuzuar të zbatonte urdhrin e ndalimit duke shtuar shpejtësinë e makinës dhe duke rrezikuar këmbësorët dhe automjetet e tjera. Përveç kësaj, përpara se të ndalohej, ai u rezistoi me forcë oficerëve të policisë, duke i shtyrë ata me duar dhe këmbë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)