Bota në krizë nga nafta, makina elektrike thyen rekord shitjesh

Ndërsa bota është zhytur në krizë nga rritja e çmimit të naftës, ka një treg që po përfiton nga situata e krijuar, madje po tërheq edhe më tepër të ardhura. Marka Xiaomi po vazhdon të bëjë bujë në tregun automoblistik kinez: Model i saj elektrik SU7 ka regjistruar 15,000 porosi në vetëm 34 minuta pas prezantimit të versionit të ridizajnuar.

Për ekspertët, ky fenomen tregon kapacitetin e jashtëzakonshëm të kompanisë për të rikonvertuar linjat e prodhimit me shpejtësi. Prodhimi i makinave nuk është si ai i smartfonëve, por Xiaomi duket se ka gjetur formulën e suksesit, duke kombinuar teknologjinë e baterive me zhvillimin softuerik.

Foto ilustruese

SU7 nuk është vetëm e shpejtë dhe e bukur, por edhe e fuqishme dhe ekonomike: kosto vetëm 27,500 euro për një makinë elektrike me autonomi deri në 902 km sipas ciklit kinez dhe shpejtësi maksimale 265 km/h. Makina ofron gjithashtu sisteme të avancuara asistence për drejtuesin dhe funksione të pazakonta, si frigorifer me tre nivele ftohjeje.

Për momentin SU7 nuk është e disponueshme në Europë, por nëse ndonjëherë do të vijë, ekspertët paralajmërojnë se mund të shkaktojë konkurrencë të fortë për prodhuesit lokalë. Xiaomi po provon se industria kineze është gati të ndryshojë rregullat e lojës në automoblistik, duke sjellë një kombinim të paprecedent të inovacionit dhe kapaciteteve prodhuese.

Foto ilustruese

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)